Nakakalungkot at kailangan pang sumabog ng Glorietta. Wala naman siyang ginagawa sa atin. Nakatayo lang siya dun tapos papasabugin niyo. Tsk tsk. Ilang teorya ko sa motibo ng pambobomba:

1. Pwedeng may personal na galit ang nambomba sa may-ari ng mall. Maaaring hindi siya nabigyan ng discount at nagbalik siya para maghiganti!

2. Pwede ring naiwan niya lang talaga yung bomba niya dun sa mall at di niya sinasadya na sumabog. Baka papunta siya sa bomb conference 2007 at naiwan niya lang dun. Malay mo.

3. Pwede rin naman na pinasabog ng may-ari ng SM ang Glorietta. Wala lang, trip niya para daw cool at cute.

4. Pwede rin naman na yung may-ari mismo ng Glorietta ang nagpasabog nung sarili niyang mall. Publicity Stunt. Cool

5. O kaya naman eh hudyat ito ng isang rebolusyon ng mga mall na nagsasabing gusto na nila ng pantay na karapatan. Sobra na! Tama na! Palitan na!

Kung ano man ang dahilan, sigurado akong wala itong kinalaman sa meeting sa Malacanang at pamimigay ng pera. Siurado din akong wala itong kinalaman sa impeachment ni Gloria at sa kagustuhan niya na i-drift away ang attention ng mga pilipino dito. No way!

Ayon kay Trixy Carreon:

Yes, we must grieve over those who died. We must also pray for those who were hurt and are still hurting because they happened to be in the wrong place in the wrong time. We should offer our deepest sympathy to their families as well. But then, no matter what happens, we shouldn’t be afraid. Just because this happened, then we shouldn’t stop going out. We shouldn’t be afraid of the malls or any public area. We may not know what their real objective is, but I am sure that they want the people to be afraid. The moment we live in fear, then that would mean that the people behind this have already won.

Y!m, ang napaka-sikat na pampalipas-oras ng karamihan sa mga estudyante na may internet sa bahay. Pwede kang makipag-chat, share ng pictures, magmura at higit sa lahat ay mag lagay ng stat na sa tingin mo ay nakakatuwa!

Ano nga ba ang meron sa stat at lagi natin itong pinag-iisipan? Well, siguro, dahil masaya eh.  Feeling mo maganda ginagagwa mo at akala mo ay may bumabasa nito. Sayang nga lang dahil ang totoo ay para ka lang writer ng Inquirer dahil wala talagang gaanong bumabasa ng ginagawa mo.

Isa pang dahilan siguro ay ang boredom mo. Siguro talagang wala ka nang magawa at sa tingin mo kailangan mong idamay ang ibang tao sa list mo sa boredom mo. Kaya naman ay maglalagay ka ng link sa wikipidea, encarta o kaya naman ay sa microsoft support at kung anu pang site na walang lamang maganda. Crab mentality! Kaya di umuunlad ang Pilipinas eh.

Isa pang posibleng dahilan ay marahil eh possessed ka. Kinukulam ka ng kapit bahay mong ang buhok eh pwedeng pamalit sa walis tingting at sinasabihan ka niya na maglagay ng walang kwentang stat. Hawak niya ang doll na kamukha mo at pinipisil-pisil. Tatawa siya hanggang sa isuka ang kinain niyang METRO magazine. Ayun.

Ginagamit din ang stat para balaan ang mga tao na wag siyang istorbohin. Magdahan-dahan dahil baka pag nagalit ang taong may ganitong stat eh baka bigyan ka niya ng virus at masisira ang laptop mo. Magkakaron ng mata ang laptop mo at pati kamay saka ka niya bibigyan ng manicure na kasing-baduy ng “itaktak mo” ng GMA.

Kaya naman importante din minsan ang stat. Ingat lang.